№2 Мыңбұлақ орта мектебінің қамқоршылық кеңес мүшелерінің алдында мектеп инспекторының есебі
№2 Мыңбұлақ орта мектебінің қамқоршылық кеңес мүшелерінің алдында мектеп инспекторының есебі
№2 хаттамасы
15.03.2019ж
Төрайымы: М.Шажалиева
Хатшы: Д.Жумабекова
Қатысқандар:Қамқоршылық кеңесінің мүшелері-7
Қатыспағаны: Себепті -2
Күн тәртібінде:
Мектеп инспекторының қамқоршылық кеңес мүшелерінің алдында есебі
Тыңдалды:
Күн тәртібіндегі мәселе бойынша мектеп инспекторы,аға лейтенанты С.Дуйсебеков сөз алды:
Кәмелетке толмағандармен жасалған қылмыстардың алдын-алу мақсатында,түңгі рейдтер жүргізу барысында түнгі сағат 23.00-ден кейін жасөспірімдердің заңды өкілдерінсіз үй-жайдан тыс жерде жүргені үшін 139 жасөспірім ұсталып,олардың заңды өкілдеріне ҚР ӘҚБтК 442 бабы 2 бөлігімен әкімшілік хаттамасы толтырылып әрқайсысына ескерту жасалды.Төрт жасөспірім мысалы «Мыңбұлақ» ОМ-нің 9-сынып оқушысы Р.Таңатаров пен №29-шы ОМ-нің 11-сынып оқушысы Р.Қанатбек бір жыл ішінде екі рет әкімшілік құқық бұзған,яғни түнгі 23.00-ден кейін «Кәмелетке толмағандардың заңды өкілдерінің еріп жүруінсіз тұрғын-жайдан тыс жерде болғаны» үшін ҚР.ӘҚБтК-нің 442 бабының 3-ші бөлігімен (2017ж-2) хаттама толтырылып сот шешімімен жасөспірімнің заңды өкілдеріне 7(АЕК) яғни 16835 теңге көлемінде айыппұл салынып,сонымен қатар осы жасөспірімдер АIIБ-нің профилактикалық есебіне алынды.
ҚР.ӘҚБтК-нің 435-бабы бойынша қоғамдық орында «Кәмелетке толмаған адам жасаған бұзақылық» үшін екі ата-анаға хаттама толтырылып жиналған іс-құжаттар аудандық сотқа жолданып,соттың шешімімен жасөспірімдердің заңды өкілдерінің әрқайсысына 15883 теңгеден айыппұл салынды.
2018 жылы ата-аналар,қамқоршылар және педагогтардың кәмелетке толмағандарды тәрбиелеуде жауапкершілігін арттыру мақсатында жүргізілген алдын алу жұмыстарын жүргізу барысында яғни, «Ата-ананың немесе басқа да заңды өкілдердің балаларды тәрбиелеу жөніндегі міндеттерді дұрыс орындамағы» үшін бес ата-анаға қатысты жиналған іс-құжаттар аудан әкімиятының жанындағы комиссия отырысына қарау үшін жолданып,үш ата-ана ата-аналық құқығынан айырылды.
Қадағалаусыз және панасыз қалған жасөспірімдерді анықтау мақсатында білім беру бөлімінің қорғаншылық және аудан әкімиятының жанындағы комиссия мүшелерімен бірге жүргізілген рейдтік іс-шаралар барысында ата-анасының қадағалауынсыз қалған бес жасөспірім анықталып,Тараз қалалық кәмелетке толмағандарды уақытша оқшаулау,бейімдеу және оңалту орталығына орналастырылды.Панасыз қалған жасөспірімдер анықталған жоқ.
Шешім:
1.Мектеп инспекторы,аға лейтенанты С.Дуйсебековтің есебі қанағаттандырарлық деп танылсын.
2.Мектеп инспекторы 8-9-10-11 сынып оқитын ер балалармен жиі кездесу өткізу.
3.Мектеп инспекторы ата-аналармен тығыз байланыста болу мақсатында жиі жиналыстар өткізу
Қамқоршылық кеңесінің төрағасы: М.Шажалиева
Хатшысы: Д.Жумабекова